؟؟ (ce 6 & ce4)هو مافيش فى مصر غير ال

[saipot]

للعلم كانتل a1 موجود بردو بس كميات كبيرة تكفي المنتدي كلة كويل مدي الحياة لفة ٣ كيلو

 

[Tahlawi]

ردي ليس مزايدة علي احد .
ولا تحيز لاحد ضد احد ولكن وقائع فعلية بعد تجربتي انا فقط
هناك فرق بين الكانتل والنيكل كروم
وهناك انواع للكانتل وانواع اخري للنيكل كروم
الفكرة هنا فقط لية استورد من برة مصر كانتل وادفع تكلفة عالية لية طالما ممكن اوجدلة بديل يودي نفس الغرض تماما او اقرب ما يكون
في عالم التدخين الالكتروني لا يوجد اي ثوابت انما متغيرات وبدائل مفتوحة للجميع
يوجد بدائل في مصر للكانتل a1 وهو كانتل d والفرق الوحيد بينهم درحة تحمل الحرارة
واللي عايز يجرب معايا واللي عايز يشترية من عند المزاوي في شارع نجيب الريحاني
ويوجد بدائل للويك صنعتها بنفسي وبالمقاس اللي انا عايزة من نفس الخامة المستوردة بس تحت اسم مختلف ( خيط حرير ) وللعلم هيا هيا وممكن تستبدلو بالقطن الطبي ايضا وبردة اللي عايز يجرب معايا واللي عايز يشترية من السبتية والقطن من اي صيدلية
و في الاخر اقول احنا هنا بنعرض تجاربنا وخبراتنا انما البيع فدة عرض وطلب وبالبلدي بين البائع والشاري يفتح الله
ممكن حاجة عند فلان تعجبني ويعجبني سعرها وحاجة تانية لا يعني الموضوع نسبي

الكبير كبير يا برنس

 

[saipot]

اخجلتم تواضعنا

 

[Mandour]

أ كمال اولا حديثك عن عناصر الكنتال او النيكل كروم ليس له اي اساس من الصحة وياريت قبل ان تقول لي ان اقرا فلازيد اكثر من قراءتك
ثانيا ((((( انا اعمل بالمحاماه ولست تاجرا لهذه السلعة فلست مهتما باستيرادها ولكن اهتمامي كا فقط __ بالاستغلال -- ))) فلا تطلب مني ان اقوم باستيرادها مع العلم انني اقسم بالله لو فعلا قررت امام الاعضاء انك سوف تدفع في المتر زيادة عشرة جنيهات كما قلت سوف اقوم فعلا باستيرادها وليكن بعض الاعضاء شهود امام الله على الموقف وسيكون مصير هذا الفرق في السعر متروك للاعضاء الكرام حرية التصرف فيه
ثالثا :: وهذا هو الاهم بالنسبة لي اتهامك لي بانني قد حرضت من احد التجار للقيام بتشويهك هو عينه الدنو بمستوى الكلام للدرجة التي اخجل فيها من الرد عليك
اعطني قدر الاحترام الذي اعطيته لك ولكني على ثقة من عدم مقدرتك على ذلك

 

[Tahlawi]

أ كمال اولا حديثك عن عناصر الكنتال او النيكل كروم ليس له اي اساس من الصحة وياريت قبل ان تقول لي ان اقرا فلازيد اكثر من قراءتك
ثانيا ((((( انا اعمل بالمحاماه ولست تاجرا لهذه السلعة فلست مهتما باستيرادها ولكن اهتمامي كا فقط __ بالاستغلال -- ))) فلا تطلب مني ان اقوم باستيرادها مع العلم انني اقسم بالله لو فعلا قررت امام الاعضاء انك سوف تدفع في المتر زيادة عشرة جنيهات كما قلت سوف اقوم فعلا باستيرادها وليكن بعض الاعضاء شهود امام الله على الموقف وسيكون مصير هذا الفرق في السعر متروك للاعضاء الكرام حرية التصرف فيه
ثالثا :: وهذا هو الاهم بالنسبة لي اتهامك لي بانني قد حرضت من احد التجار للقيام بتشويهك هو عينه الدنو بمستوى الكلام للدرجة التي اخجل فيها من الرد عليك
اعطني قدر الاحترام الذي اعطيته لك ولكني على ثقة من عدم مقدرتك على ذلك

الأستاذ المحامى المحترم
طالما وصلنا الى هذا المستوى من الحوار فأننى لن أرد عليك وليشهد أعضاء المنتدى بذلك ولكنى متأكد وعلى ثقه ان هناك من الأعضاء المحترمين من يتولى ذلك نيابة عنى
وشكراً

 

[Mandour]

اشكرك ونترك الكلام للاعضاء الكرام

 

[Tamer El-Meehy]

يا استاذ مندور...اسمح لى ان اختلف مع حضرتك...اولا انا من مصلحتى بالتأكيد انى اشترى احسن جودة واقل سعر..وزى ما انا شايف ان فيه حاجات عند اساتاذ كمال وغيرة ممكن تبقى اغلى من اللازم من وجهة نظرى لكن الحقيقة عنده حاجات تانية انا شايف انها معقولة بالنسبة لجودتها وباخد من عنده ومن عند غيره اللى يناسبنى وما باخدش اللى ما بيناسبنيش. بالنسبة للكنتال بالذات كلام استاذ كمال فعلا مظبوط وده مذكور على الموقع هنا وعلى الويكيبيديا. وبالمناسبة انا اتكلمت مع كذا تاجر بخصوص الأسعار وسبب ارتفاعها وكان ردهم تقريبا واحد وهو ان تكاليف الاستيراد وتخليص الجمارك والرشاوى وما الى ذلك نتيجة لأن السجائر الالكترونية منع دخولها بيرفع التكلفة جدا. وبحسبة بسيطة لو انت بتتصادرلك شحنة كل تلات او اربع شحنات غير الرشاوى حتلاقى ان البضاعة حتقف عليك اغلى لأنك لازم تحمل خسارتك على السعر. بالإضافة لكدة اعلشان تقدر تققل المخاطرة بتتضر تستورد البضاعة على مراحل يعنى تدفع تكلفة الشحن اكتر من مرة والرشاوى اكتر من مرة وهكذا بدل ما تستوردها مرة واحدة لأنك لو خسرت الشحنة بتاعت السنة او الست اشهر مرة واحدة حتتعور جامد.

طبعا ده ما يمنعش ان فيه اسعار بعض الحاجات ممكن تبقى غالية بزيادة وده حله اننا نحاول ننظم نفسنا وننشر معلومات الاسعار أول بأول زى مافيه زملاء بتحاول معايا وده اكيد حيظبط المسائل شوية وحيفيد المشترى والبائع. ولو سمحت الى انا شايف انك مشخصن الموضوع فى شخص المهندس كمال من غير سبب مفهوم ومش عارف ليه الموضوع بدل ما يبقى اننا بنساعد بعض تحول لهجوم عليه علشان اسعاره غالية. .يا استاذى حقه انه يغلى اسعاره زى ماهو عايز لو فيه ليه زبون بيشترى وحقك انك ما تشتريش منه لو مش عايز وحقك تدور على بدائل وتعرف زملائنا كمان بالبدائل والأسعار المتاحة من غير ما نخبط فى بعض

يا ريت نحافظ على المكان وعلىى الروح الكويسة اللى فيه علشان نقدر نفيد بعض ...واخيرا احب احذر ان البدائل المستخدمة فى الكويل ممكن تكون مع السخونة بتطلع حاجات تبقى ضارة والشغلانة مش ناقصة ويا ريت لو عضو من السادة الأطباء يفيدنا

تحياتى

 

[saipot]

البديل اللي طرحتة مناسب جدا ومن نفس النوع والخامة ولو هيبقي بيطلع حجات ضارة يبقي اللي بنستخدمة بردو نفس الشئ لانه نفس النوع في المكونات
الاختلاف الوحيد تحمل درجة الحرارة اللي عمرها باي حال من الاحوال ما هتكسر ال ١٠٠٠ درجة حتي لو بتستعمل اعلي فولت واكبر مقاومة في التدخين
ودة بردو علي حد علمي

 

[Tamer El-Meehy]

يا باشا انا ما باشككش فى كلامك خالص على فكرة بس انا محسوك شوية فى موضوع الصحة ده لأن جتتى مش خالصة. ثانيا المواضيع اللى احنا بنستعطاها دى لسه ما اتعملش عليها دراسات متعمقة من كافة جوانبها او على مدى زمنى طويل زى السجاير العادية مثلا على مستوى العالم. وبالتالى فيه معطيات كتير احنا ما نعرفهاش وما نعرفش اثرها إيه على المدى الطويل، ده غير ان الرقابة الصحية على السجاير الالكترونية مالهاش نظام معين. وبالتالى فباب الإجتهاد والإبداع لسه مفتوح سواء فى السائل وتركيبته وخلط سوائل ببعضها للمعدات المستخدمة للفتيل والقطن والكويل...الخ. ودى مشكلة على مستوى العالم على فكرة. علشان كده مهم اننا نشوف لو فيه معانا أطباء رأيهم إيه على الأقل من باب الإحتياط

 

[njvap]

انا عندي مشكلة دوخان مستمر يظهر انه من قلة السوائل, كمان حد لاحظ انخفاض في التركيز؟

Sent from my SGH-M919 using Tapatalk

 

[Tamer El-Meehy]

انت بطلت تدخين من امتى؟