Pg و vg

[msarwat]

بعد القراءه و البحث فهمت ان البيجي و الفيجي الموجود في شركة الجمهورية هو نوع صالح للتدخين و ان سعر اللتر 90 جنيه ولكن لما روحت الشركة دي وجدت ان سعر ال فيجي 15 جنيه للتر و البيجي 35 جنيه فشكيت ان يكون عندهم اكتر من نوع من الفيجي مثلا ولكن الموظفه قالت لي ان هو نوع واحد الموجود و انه نقي و صالح للشرب و اكد كده دكتور كان موجوده هناك
فيا ريت حد يطمني هل فعلا سعرهم كده و هل الشكل كده ولا اقلق منه

​

 

[iraqui]

ال PG بتاعهم مكتوب عليه BP 93 معناها British pharmacopeia grade وديه فارما جريد فا اطمنتله، لكن الجليسرين شكله ما طمنيش خالص

 

[msarwat]

مفيش حد يعرف منين اجيب نوع فيجي احسن عشان انا اصلا مهتم اني اخفف السوائل اللي فيها حرقه كبيره بسبب البيجي او نوع النيكوتين

 

[Hussein.bakr]

هناك شركة في شارع الرشيدي المتفرع من شارع القصر العيني لديها أفضل منتج رأيته في مصر ولكني لا أذكر إسمها وأنا سوف أذهب إلى هناك خلال هذا الأسبوع إنشاء الله

 

[ashrafezz]

هناك شركة في شارع الرشيدي المتفرع من شارع القصر العيني لديها أفضل منتج رأيته في مصر ولكني لا أذكر إسمها وأنا سوف أذهب إلى هناك خلال هذا الأسبوع إنشاء الله

الشركة دي عندها جليسرين معملي النصف لتر ب 60
و عندها الجليكول النصف لتر ب 125
علي حسب الكلام الحاجات دي معملي و نسبة نقاء عالية جدا صناعة هندي
بس الراجل ميعرفش حاجة عن الليكود و لا اذا كان الجلسرين ده ينفع لكده

 

[mvap]

انا بعت ايميل للشركة و دة كان الرد بتاعهم

Dear Sir,
Glycerol and propylene glycol & Glycerol confirming to USP can be use in food industry.
Please let us know if you need any further information.
Thanking You,
Suvarna
QC Dept.
qc@lobachemie.com
Dir: +91-22-66636613

 

[ashrafezz]

ايوه, بس اللي بيتباع هنا مش مكتوب عليه USP
اللي موجود هنا معملي مكتوب عليه purified
الشركة دي عندها نوع تاني مكتوب عليه USP بس مش موجود عند الشركة هنا

 

[msarwat]

انا تشجعت اخيرا و جربت الجلسرين و الجليكول بتاع شركة الجمهورية و الي الان مفيش مشاكل والطعم جيد ربنا يستر

 

[Madawbs]

اتشجعت وجبت زيك من شركة الجمهورية وربنا يسهل الاسعار غليت شوية الجلسرين بقي ب 20 جنيه بالضريبه والبروبلين زي ما هو

المشكله اني مش لاقي النكهات خالص بتتلاقيها فين ؟؟ بكره هانزل العتبه واعدي على شارع الازهر ودرب البرابره بس مش عارف اسأل على ايه يعني ايه الاسم التجاري وايه الحاجات الحلوه والوحش ايه علشان ابعد عنه ؟ والاسعار ايه علشان مايتضحكش عليا ؟

تحياتي

 

[Mandour]

روح عند محلات العطارة واسال عن نكهات طعام او مكسبات طعم واهم شئ انها تكون خالية من الالوان شفافة

اتشجعت وجبت زيك من شركة الجمهورية وربنا يسهل الاسعار غليت شوية الجلسرين بقي ب 20 جنيه بالضريبه والبروبلين زي ما هو

المشكله اني مش لاقي النكهات خالص بتتلاقيها فين ؟؟ بكره هانزل العتبه واعدي على شارع الازهر ودرب البرابره بس مش عارف اسأل على ايه يعني ايه الاسم التجاري وايه الحاجات الحلوه والوحش ايه علشان ابعد عنه ؟ والاسعار ايه علشان مايتضحكش عليا ؟

تحياتي

 

[Madawbs]

بص انا لفيت لما حفيت على محلات العطارة وفي النهاية رحت عند الزواوي في درب البرابره هو تقريبا الهدف من وجوده انه يبيع نكهات مابيعملش حاجه غيرها وطبعا السؤال الوجودي الي فشلت اني اجاوبه عليه "هو انت عاوزها ليه ؟؟"
المهم قلتله للحلويات وهو اقتنع واداني النكهات الي عاوزها ولكن انا ملاحظ ان الرائحة او الطعم ضعيف هل انا محتاج ازود الكمية ؟ انا حاطط 2 ملي نكهه مع الجلسرين بنسبة 70 وpg بنسبة 30
علشان اعمل 10 مللي

اي اقتراحات لتحسين النكهه ؟