استخلاص نكهة القهوة من البن

[Madawbs]

السلام عليكم
النهارده مع افتكاستي الجديدة طبقت نفس طريقة استخراج النكهة الخصة بالسيجار علي البن والعملية نجحت بشكل كبير واعطتني نفس طعم فلافور القهوة الي اشتريته من الزواوي

جبت 7 مل
Vg
ونصف ملعقة صغيره بن محوج عبد المعبود
وحطيتهم مع بعض في برطمان زجاجي (برطمان صلصة واسع الفتحة).وقلبتهم كويس علي البارد وبعدين حمام مياه ساخنة علي نار عاليه لمدة 20 دقيقة تقريبا لحد ما البروبالين جليكول اغلبه تبخر
تصفيته بالقماش اربع مرات طلع 2 ملي واضفت عليهم ملي واحد ماء مقطر ثم 7 مل جلسرين والتقليب الجيد وتعبئة التانك وبالهناء والشفاء

بكره احكيلكم علي تجربتي في تركيز النكهات

تحياتي
احمد حامد

 

[Madawbs]

واضح ان الموضوع سخيف جدا 23 واحد شافوه وماكلفوش نفسهم يردوا بكلمة

الف شكر يا شباب واخر مرة الواحد يكتب لكم حاجه

 

[saipot]

يا برنس احنا عاملين لايك
ومستنين النتيجة ومش شرط تلاقي تفاعل من كل الناس
اكيد هيبقي علي حسب الميول والاهتمامات

 

[Art3]

معمل كيميائي
انتبه يفرقع بوشك
،،
بهزر طبعا
،،
كويس انك قدرت تجيب النكهه
ومستنين النتائج
ممكن نشتري منك نكهات لانها حتبقى شغل اصلي مضمون

 

[pcman2k]

استاذ ورئيس قسم......... ده انت حكاية
الله ينــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــور
ممتاز


"""""""""" بكره احكيلكم علي تجربتي في تركيز النكهات """"""

انا منتظر بكرة لانى عاوز ازود تركيز الفوستر كلاركس المتوفر بسهولة

 

[unreachable]

احسنت والقهوه من اجمل النكهات واسهلها للاستخلاص

حبذا لو جملت موضوعك بالصور كي نستنير اكثر
بانتظار انطباعك