بخصوص صناعة السائل عدة استفسارات

[momo223]

انا عايز اعرف منين اجيب المكونات انا من مصر بالتحديد اسكندرية
اجيب منين pg?
اجيب منين vg?
اجيب منين مكسبات الطعم اللى هيا النكهات ؟
مع العلم انى اشنريت جالون 20 لتر نيكوتين 60 جرام من اسبانيا واخويا هيجيبهولى معاه وهوا جاى
فعايز اعرف النسب لو هعمل 20 مللى بالنيكوتين
و 20 ملى من غير نيكوتين

 

[Tahlawi]

الأخ العزيز
إنشاء الله لما تستلم جالون النيكوتين سوف ارسل لك ال بى جى والفى جى والنكهات لغاية عندك فى الأسكندريه
تقبل تحياتى​

​

 

[hany3h]

جالون 20 لتر تركيز 60 أنت ناوى تفتح مصنع يا كابتن
بتهرج أكيد يا باشا
الكمية ديه تعمل ما لا يقل عن 80 لتر بتركيز متوسط
يعنى لو بتشرب كميات مش قليله ولتكن 150 ملى فى الشهر يعنى 1800 ملى فى السنة
يعنى سعادتك هتعمل ليكود لمدة 44 سنه
أنت بتهرج أصلا ليه تاريخ صلاحيه لا تزيد عن سنه وحتى لو ممشتش على تاريخ الصلاحيه مش هيقعد معاك أكتر من سنتين ويبوظ
تحياتى على الإستعجال
والظاهر انى النهارده غاوى أنكد على الناس أنا بفكر أخش أنام بدل ما الناس هنا تكرهنى بسبب أخبارى اللى زى وشى

 

[momo223]

جالن 20 لتر تركيز 60 أنت ناوى تفتح مصنع يا كابتن
بتهرج أكيد يا باشا
الكمية ديه تعمل ما لا يقل عن 80 لتر بتركيز متوسط
يعنى لو بتشرب كميات مش قليله ولتكن 150 ملى فى الشهر يعنى 1800 ملى فى السنة
يعنى سعادتك هتعمل ليكود لمدة 44 سنه
أنت بتهرج أصلا ليه تاريخ صلاحيه لا تزيد عن سنه وحتى لو ممشتش على تاريخ الصلاحيه مش هيقعد معاك أكتر من سنتين ويبوظ
تحياتى على الإستعجال
والظاهر انى النهارده غاوى أنكد على الناس أنا بفكر أخش أنام بدل ما الناس هنا تكرهنى بسبب أخبارى اللى زى وشى

على فكرة عيب اوى الاسلوب اللى انت بتتكلم بيه دة واكيد انا مش جايب جالون للاستعمال الشخصى انا جايبه عشان هعمل وابيع منه لكن الاسلوب اللى انت بتتكلم بيه دة عيب اوى على فكرة انت مش بتكلم واحد من الشارع ولا واحد صاحبك على القهوة احترم الناس الناس تحترمك

 

[Tahlawi]

على فكرة عيب اوى الاسلوب اللى انت بتتكلم بيه دة واكيد انا مش جايب جالون للاستعمال الشخصى انا جايبه عشان هعمل وابيع منه لكن الاسلوب اللى انت بتتكلم بيه دة عيب اوى على فكرة انت مش بتكلم واحد من الشارع ولا واحد صاحبك على القهوة احترم الناس الناس تحترمك

صلى على النبى يا أخ مومو
الأستاذ هانى لا يقصد أى إهانه لشخصك الكريم وكلامه ليس فيه اية إساءه هو فقط تعجب من الكميه الكبيره الى ذكرتها سعادتك وعلى فكره كلنا بنحترم الأستاذ هانى وجميع اعضاء المنتدى ناس افاضل ومحترمين
وارجو ان ينتهى سوء التفاهم هذا عند هذا الحد
تحياتى
​

 

[george&john]

علي فكره هاني شخص محترم جدا ولكن هو يغلب عليه طابع السخريه ليس من اشخاص لا سمح الله ولكن هو يحب ان يضفي روح الدعابه علي اغلب مشاركاته من منطلق الود والتفاهم والمرح والاسره الواحده في هذا المنتدي الذي يجمعنا مع بعضنا وان لم يكن هذا هو الشعور السائد بيننا بالمحبه والالفه مع بعض اعتقد انك لن تجد حتي من يجيب علي ادني استفساراتك !!!! فما الداعي لان اخصص وقتي وجهدي وكتابتي للرد علي احد ان كان الشعور بالعداوه والنفور هو السائد ؟؟؟؟ ولكن علي مايبدو انك جديد بالقسم ولم تاخذ الفرصه الكافيه للتعرف علي الموجودين بالقسم واسلوبهم في المشاركه ولذلك لك عذرك

 

[hany3h]

على فكرة عيب اوى الاسلوب اللى انت بتتكلم بيه دة واكيد انا مش جايب جالون للاستعمال الشخصى انا جايبه عشان هعمل وابيع منه لكن الاسلوب اللى انت بتتكلم بيه دة عيب اوى على فكرة انت مش بتكلم واحد من الشارع ولا واحد صاحبك على القهوة احترم الناس الناس تحترمك

ألف شكر على تعليمى الأدب وأن كنت لم أخطىء ولم أسىء لشخصك ولم أستهين بأى أنسان هنا فى المنتدى وفى أى مكان فى حياتى كلها
ومش شايف فى كلامى أى نوع من الخطأ أو العيب
وكل الحكاية أنى فعلا بشعر أنى بكلم أصدقاء وصحابى وبهرج مع الكل بحكم أنى بحب الضحك حتى فى أحلك المشاكل وبوصل المعلومه اللى اعرفها بالهظار
لو تابعت ردودى أغلبها ضحك وأفشات
وأخيرا طول عمرى بحترم الناس والحمد لله الناس بتحترمنى وياريت توضحلى منين حضرتك شوفت أنى مش محترمك؟؟
تحياتى

 

[hany3h]

الف شكر أخى كمال وأخى جورج على التوضيح والمحبه التى بيننا
أخجلتم تواضعنا يا فندم

 

[momo223]

ألف شكر على تعليمى الأدب وأن كنت لم أخطىء ولم أسىء لشخصك ولم أستهين بأى أنسان هنا فى المنتدى وفى أى مكان فى حياتى كلها
ومش شايف فى كلامى أى نوع من الخطأ أو العيب
وكل الحكاية أنى فعلا بشعر أنى بكلم أصدقاء وصحابى وبهرج مع الكل بحكم أنى بحب الضحك حتى فى أحلك المشاكل وبوصل المعلومه اللى اعرفها بالهظار
لو تابعت ردودى أغلبها ضحك وأفشات
وأخيرا طول عمرى بحترم الناس والحمد لله الناس بتحترمنى وياريت توضحلى منين حضرتك شوفت أنى مش محترمك؟؟
تحياتى

حصل خير يا هانى باشا انا مكنتش اعرف انك بتقولها بهذار وانا كمان ساعتها كنت مدايق شوية وان شاء الله تكون معرفة خير بس خلى بالك على نفسك عشان هزعلك

 

[eng_tamer6]

حصل خير ياجماعه
المهم اخ ميمو مادام حضرتك واخدها تجاره فاحنا ممكن نتجرا ونسالك هتبيع 10 مم نيكوتين صافى بكم لاننا بنحب احنا اللى نخلط
ومدام تجاره فزمايلك هنا اولى مش كده ولا ايه
وبالتوفيق ان شاء الله

 

[bigoted]

الموضوع كله سوء تفاهم استدهوا بالله يا شباب

 

[programmer41]

ما شاء الله علينا والله المصريين قلوبهم زي اللبن الحليب ربنا يحفظكم ز ويبعد عنكم الشيطان ياولاد بلدي - بنزعل بسرعة بس قلوبنا صافية

 

[solyahmed]

طيب pg اللي هو اية ؟؟؟
و vg اللي هو اية ؟؟

واحد فيهم جلسرين والتاني بروبالين صح ؟؟؟؟

 

[eng_tamer6]

طيب pg اللي هو اية ؟؟؟
و vg اللي هو اية ؟؟

واحد فيهم جلسرين والتاني بروبالين صح ؟؟؟؟

PG: propylene Glycol
VG: Vegtable Glycerol

 

[solyahmed]

شكرااا يا باشاااا.... اتنورت المحكمة
بس هل يمكن تخفيف الليكود الجاهز بنكهة
معينة بمعنى لو اشترينا ليكود تفاح او موز نيكوتين 18 وعايز تخفف النسبة دي هل ممكن يتخفف ولا ده حيكون علي حساب النكهة يعني مش حيبقى له طعم

 

[eng_tamer6]

طبعاهيكون على حساب النكهه
ومساله هيبقى له طعم ام لا يعتمد على عده عوامل اهمها ما هى النسبه اللى انت هتخفف اليها
ما المستخدم فى التخفبف pg or VG
ما هو تركيز النكهه فى السائل الاصلى

 

[hany3h]

حصل خير يا هانى باشا انا مكنتش اعرف انك بتقولها بهذار وانا كمان ساعتها كنت مدايق شوية وان شاء الله تكون معرفة خير بس خلى بالك على نفسك عشان هزعلك

حصل خير يا ميمو

 

[hany3h]

شكرااا يا باشاااا.... اتنورت المحكمة
بس هل يمكن تخفيف الليكود الجاهز بنكهة
معينة بمعنى لو اشترينا ليكود تفاح او موز نيكوتين 18 وعايز تخفف النسبة دي هل ممكن يتخفف ولا ده حيكون علي حساب النكهة يعني مش حيبقى له طعم

تأكيد على كلام باشمهندس تامر طبعا بيأثر على الطعم

ومع ذلك انا كل السوائل اللى جاتنى كانت يا 24 يا 18 وانا مش بشرب أكتر من 6 فبضطر أنى أخففه وطبعا بفقد كتير من الطعم لكن مش بيختفى لكن بيقل