سؤال في الاستيراد من الصين لمصر ؟؟

[saipot]

حد هنا جرب يستورد سجائر اللكترونية ومتعلقاتها زي الاوتومايزرز و الكليرومايزرز والبطاريات وخلافة
اصل بفكر اتعامل مع مصنع باعتلي اسعار اكتر من هايلة وقلقان من موضوع الجمارك
للعلم مش هجيب نيكوتين ولا ليكويد

 

[msarwat]

انا جربت اكتر من مرة من الصين و امريكا و في كل مرة بجيب حاجه لوحدها و البائع بيكون كاتب انها قطع غيار ولا مره دخلت وكل المرات بروح رمسيس و بعيد شحنها الي اي بلد فيها حد يجبهالي معاه و اخيرا جربت ااشحن الدائرة الالكترونية الخاصة بالبطارية و بقلها شهر في الجمرك ومش عارف حتي اوصل هي فين ولا موجوده اصلا ولا لا

 

[saipot]

انا جربت اكتر من مرة من الصين و امريكا و في كل مرة بجيب حاجه لوحدها و البائع بيكون كاتب انها قطع غيار ولا مره دخلت وكل المرات بروح رمسيس و بعيد شحنها الي اي بلد فيها حد يجبهالي معاه و اخيرا جربت ااشحن الدائرة الالكترونية الخاصة بالبطارية و بقلها شهر في الجمرك ومش عارف حتي اوصل هي فين ولا موجوده اصلا ولا لا

شكرا علي الرد
والله يطمنك يعني كدة لو الحاجة اللي معايا باظت اشتري واحدة جديدة وخلاص وقصر الكلام
بس هما بيمنعوها لية مش فاهم يعني بيحطوها تحت اي بند علشان تتمنع

 

[msarwat]

بند صيدليات ممنوعة من وزارة الصحة

 

[saipot]

يعني الحل الوحيد اني اخلي حد جاي من برة يجبلي اللي انا عايزة

 

[Hussein.bakr]

أنا جربت إشتريت بطاريات وأوتومايزر
مره عددت والباقي تم مصادرته
وحرمت خلاص

 

[njvap]

هل البطاريات ممنوعه, واقصد هنا نش ال regulatedلا اقصد البطاريات اللي اصلا لستخدامها للفلاش لايت زي 18650 وغيره, لو البطاريات مش ممنوعه يبقی ممكن نصنع ميكانيكال مود في مصر , ده سهل جدا, وكذلك الكويل والويك, وممكن تروح عند خراط محترم تاخدله تانك vv nova مثلا ويعملنا ابوه

Sent from my SGH-M919 using Tapatalk

 

[msarwat]

جميع شركات الشحن ترفض شحن البطاريات الليثيام بسبب انها قابله للانفجار و هذا قرار ال
iata

 

[njvap]

فيه شركات متخصصه في شحن الهازمات

Sent from my SGH-M919 using Tapatalk

 

[saipot]

شكرا للرد للجميع
بجرب وهشاركو بالنتائج
عملت اوردر من الصين
وعملت اوردر من امريكا
وعملت اوردر من بريطانيا
باكتر من طلب ومستني اشوف اية اللي هيدخل واية هيترفض

 

[msarwat]

ربنا معاك ومتنساش تبلغنا لما الحاجه توصل بالسلامه

 

[saipot]

ربنا معاك ومتنساش تبلغنا لما الحاجه توصل بالسلامه

ان شاء الله هبلغكو بالتفصيل الممل
اهم حاجة بتاعت انجلترا وادعي اتها توصل تواتلي واكيد بلاتنيم ايس بريميم باك خمس عبوات وربك يستر

 

[cyfer]

انا استوردت من الصين جهاز صغير بتاع مساج و دخل بند ممنوع صيدليات و بعديها اتصلت و سألت عن الطرد
بعديها بيوم طلعوه و بعتوه على مكتب البريد و ماحدش بعتلى لا فة صالة محجوزات و لا حاجة ... مش عارف لو بعت اجيب اتوميزر و بطاريات هايعملوا ايه بالظبط

هو يا جماعة اللى بيقولوا بنروح رمسيس .. هو الجواب اللى بيتبعت بيبقى مكتوب فيه ايه ؟ و مش هو فىه حاجة اسمها استخدام شخصى المفروض انها مش يس مسموح بيها .. لأ دى كمان المفروض معفاة من الجمارك ؟

انا بالنسبة ليا .. حاجات ب 250 جنيه بس طرود منفصلة ... دفعونى 211 جنيه عشان اخدها ..

 

[msarwat]

انا 3 مرات بعتولي جواب مسجل مكتوب فيه الحضور الي صالة العينات و من تحت مكتوب المشمول غير مصرح بدخوله البلاد و اخر مره لما مفيش حاجه جتلي و كان مكتوب علي الصفحة الخاصة بالبريد ان الطرد دخل مصر من فتره فسألت انا عليه لقيته واقف في الجمارك و لما رحت احاول اخلص اجراءتها حولوني الي الامن الوطني و الامن العام و الطرد اتحول لخبير المفرقعات و طبعا مخدتش اي حاجه في الاخر غير بس دفعت التكاليف بتاعت التخليص الجمركي و الكشف علي الطرد و الكثير من الرشاوي و الطرد كان عباره عن 3 شوحن و 10 وصلات بين البطارية و الاتوميزر و كام متر سلك كانثال و ويك

 

[cyfer]

أمن عام و أمن وطنى ؟؟؟؟
ايه العبط ده ؟ و دفعت اجرائات تخليص جمركى على طرد ماستلمتوش ؟؟
هو ده جمرك و لا نيابة ؟
هى الصالة دى بتقابل فيها موظفين و لا ظباط و لا ايه الجنان ده ..... مطار القاهرة أصلا لو فيه حاجة قلق على الامن بتاع البلد مابيعدوش الحاجة أصلا و بيكشفوا على كل حاجة باكس راى .. يعنى اى حاجة بتوصل لمبنى رمسيس معروف ان مافهاش حاجة أصلا
انا كده هاصرف نظر عن انى اجيب حاجة فى طرد و بافكر اصرف نظر عن انى اجيب اى حاجة أصلا لانى بادفع زى تمنها للبريد و الجمارك

 

[saipot]

لول الله يطمنكو
:d
كدة شكلي هغني والملاحة والملاحة

 

[msarwat]

لا الطرد الاخير ده مكنوش يعرفوا عنه حاجه في رمسيس ده لقيته في قرية البضائع و كان المشكلة انهم لما كشفوا عليه لقوا الكترونيات معرفوش دي ايه فقرروا يحولوها تأمين لنفسهم وده اللي اكدهولي الظابط بتاع الامن العام انهم من يوم 30/6 و هما بيخافوا و بيحولوا اي حاجه الكترونيه عليهم وانا كنت بعمل اجراءات التخليص الجمركي ولما لقيت اني لازم ادفع مبلغ 1200 جنيه علي كل قطعة في الطرد عشان الكشف بتاع المفرقعات و مفيش امل انهم يعدوها سيبتهم و مشيت

 

[cyfer]

@saipot
يا سيدى اديك بتعرف الوحش اللى هاتقابله فى النيكست ليفل

@msarwat
طيب و لما جاتلك جوابات عينات دى و رحت رمسيس .. دفعت فلوس و ماخدتش الطرد ؟
انا واحد صاحبى جاله جواب بيقولوله لتوضيح المشمول .. قلتله أسألك بس واضح ان الموضوع كله بطيخ

 

[msarwat]

لما رحت رمسيس خيروني بين التنازل عن الطرد او اعادة شحنها الي المصدر او اي بلد اخر و دفعت فقط تكاليف اعادة الشحن ودي كانت بسيطة

 

[cyfer]

و الله الموضوع مأساة ... كل ده فى السنة بتاعت الاخوان .. الحمار اللى كان ماسك وزارة الصحة منعها و بهدلنا بالطريقة دى
انا هاستنى اشوف صاحبى اللى بعتوله هايحصل معاه ايه و بعدين اقرر اخاطر و الا مافيش فايدة
هما ماكتبولوش ممنوع استيراده .. اما نشوف