نكهات محلية حد جربها قبل كده؟

[Fawzy]

السلام عليكم جميعا
في محل اسمه درب البرابرة غير حي درب البرابرة معرفش إن كنتم تعرفوه ولا لأ هو محل كبير ليه فروع في مصر الجديدة والمعادي والرحاب ومدينة نصر والدقي بيبيع نكهات طعام ماركة فوستر كلاركس وديلسيو، حد جربها قبل كده أو يعرف عنها حاجة؟ هحاول أحط صور ليها لاقيتها على النت

 

[Fawzy]

ده مثال لنكهة من النكهات اللي عندي يا ريت حد يفيدنا

 

[Tahlawi]

الأخ فوزى
إذا كانت لا تحتوى على زيوت من الممكن ان نجربها
لكن لوكان فيها زيت لا تصلح

 

[Fawzy]

هي خالية من الزيوت والكحول ومذابة في الماء بس الفكرة هل هي مركزة ولا مخففة لأن لو مخففة يبقى تقريبا هأضطر أحط منها عشرين أو تلاتين في المية أو أكتر عامة إن شاء الله هجبها لو محدش رد هنا وقال إنه جربها وهبتدي بنسب صغيرة خمسة أو سبعة في المية وهقولكم بالنتايج إن شاء الله

 

[hany3h]

السلام عليكم جميعا
في محل اسمه درب البرابرة غير حي درب البرابرة معرفش إن كنتم تعرفوه ولا لأ هو محل كبير ليه فروع في مصر الجديدة والمعادي والرحاب ومدينة نصر والدقي بيبيع نكهات طعام ماركة فوستر كلاركس وديلسيو، حد جربها قبل كده أو يعرف عنها حاجة؟ هحاول أحط صور ليها لاقيتها على النت

نعم مكسبات الطعم ديه ممتازه انا شوفتها ومشترك فى المحل ده على الفيس بوك
وهى عباره عن أحادى بروبلين جلايكول وماء مقطر فقط أى أنه نوع ممتاز ومناسب للسجائر الألكترونى
لكن مع الأسف لما سألت وده كان من حوالى أسبوعين
قالولى مفيش غير الموز والتفاح وانا عندى الأتنين دول بجيبهم من العطار جنب الشغل فى وسط البلد وعاجبنى على الأخر فمرضتش أشترى وقولتلهم لما تجيبوا أنواع تانيه بلغونى على الفيس أو حطوها على الفيس كموضوع ومن ساعتها ولا حس ولا خبر
ومازلت منتظرهم ينزلوا أنواع أخرى من الطعم علشان أروح أجربها

لو روحت ولاقيت أنواع أخرى أتمنى تبلغنا
تحياتى​

 

[hany3h]

راجعت الموقع الأن نزلت عندهم تشكيله كبيره جديده
فراولة / مانجو / لوز/ فانيليا / ورد / برتقال / اناناس / موز

وده موقعهم على الفيس بوك
https://www.facebook.com/pages/%D8%A7%D9%84%D8%AD%D9%85%D8%AF-%D9%88%D8%A7%D9%84%D9%86%D8%B9%D9%85%D8%A9-%D9%84%D8%AA%D9%88%D8%B2%D9%8A%D8%B9-%D9%85%D9%86%D8%AA%D8%AC%D8%A7%D8%AA-%D8%AF%D8%B1%D8%A8-%D8%A7%D9%84%D8%A8%D8%B1%D8%A7%D8%A8%D8%B1%D8%A9/341162085953038?ref=ts&fref=ts

https://www.facebook.com/Darb.Elbarabra?fref=ts

​

 

[Fawzy]

ألف شكر يا أستاذ هاني، والتشكيلة كده حلوة فعلا

 

[islamre]

بجد يا جماعه ؟؟؟؟
طيب أروح للعطار أقوله إيه ؟ انا مش لاقى إلا الليكويد الصينى

 

[hany3h]

بجد يا جماعه ؟؟؟؟
طيب أروح للعطار أقوله إيه ؟ انا مش لاقى إلا الليكويد الصينى

مكسب طعم بطعم ال..... كذا

 

[islamre]

الاخ الفاضل الاستاذ هانى
برجاء التكرم بتوضيح : اقول إيه للعطار لما اشترى ليكويد زى ده ؟
و طبعاً النوع ده من غير سيكوتين ؟ و أجيب السيكوتين منين

مع الشكر

 

[hany3h]

الاخ الفاضل الاستاذ هانى
برجاء التكرم بتوضيح : اقول إيه للعطار لما اشترى ليكويد زى ده ؟
و طبعاً النوع ده من غير سيكوتين ؟ و أجيب السيكوتين منين

مع الشكر

تقوله عاوز مكسب طعم بطعم الموز أو الفراوله أو ..... اللى أنت عاوزه او اللى أصلا عنده
مكسب طعم أسمه كده وساعات بيسموه روح الموز أو روح التفاح وهكذا

وده مش ليكود باشا ده مكسب طعم يعنى لابد من توافر بروبلين جوليكول وجلسرين نباتى بنسبه عاليه الأتنين لضمان الصحة وكمان نيكوتين سائل علشان تقدر تعمل ليكود

بالنسبه للنيكوتين السائل تقدر تشترى من أنتل سيج زجاجه 10 ملى ب 120 جنيه
أو تشترى من أحد الأخوه سائل أمريكى جاهز للشرب وده أفضل لو لسه فى أول المسيره

لكن أنا بعمل السوائل وبشربها كده بدون نيكوتين
وطبعا عندى نيكوتين لكن مش بستخدمه الا لما أوصل لوصفه تمام ومظبوطه جدا وبعدها أبتدى أضيف نيكوتين

 

[Hossam]

الأخوة الأعزاء هذا مكسب طعم من إنتاج شركه فوستر كلارك فى قبرص و هو يباع فى سوبر مكرما ستؤدى انا اشتريته من فرع التجمع الخامس و هو فى رأى مش كويس لانه خفيف جدا جدا فمع تركيز ٤٠٪ يادوب بداء ظهور طعم و لكن بعد ترك المحلول ٤ أيام اصبح المذاق ذي الصابون و انا استعملت الأناناس و الفراولة