أخوتى الأحباء بعد التحية للجميع
انا فى الأصل عندى مشكله فى ضيق التنفس وكانت السجاير العاديه(روزمان التقيله) بالنسبالى مشكله كبيره
أينعم فى أغلب الأحوال لا أشعر بها وذلك لأن سنى لم يتجاوز مرحله الشباب حتى الأن 39 سنة
ولكن اليوم اللى كنت أدخن فيه كميه أكبر من علبتين أو أشرب نوعين ثلاثه من السجاير كان بيكون يوم أسود وانا نايم وسامع صوت مرجيحه حديد مصديه بتزيق وطالع صوتها من صدرى
وكتير ما كنت بستعمل بخاخه فينتولين علشان أفك الأزمتك شويه
وفى الايام اللى بتقل فيها السجاير العادية كان بيكون أرحم من كتير
المهم من ساعة ما بطلت سجاير بقالى حوالى شهرين وانا مرتاح جدا ومجتليش ولا أزمه واحده ولا زادت الخنقة مره واحده
لكن اللى بيحصل دلوقتى بقى وبدأ أمس أنى شربت كتير من الألكترونى وفى أخر اليوم بدأئت أشعر بخنقه (مش أزمتك ولا ضيق تنفس) لكنها خنقه
بمعنى
أنى مش قادر أخد نفس من الألكترونى كبير دائما النفس صغير ومش قادر أسحب أكتر
وقفت شويه سجاير( طبعا على قد ما أقدر مش نهائى يعنى) وبرضه لما رجعت أشد نفس الاقى النفس ضيق ومش قادر يسحب نفس كبير
والنهارده الصبح صحيت زى الفل وشغال بدون أدنى مشكله فى السجاير الألكترونى ولكن بعد ساعات شرب بكثره (انا بشرب ما يقرب من 5 ملى أو أقل فى اليوم وانا أعرف ناس كتير بتشرب أكتر من كده بكتير من 10 الى 15 ملى فى اليوم يعنى بعتبر شربى ضعيف) برضه بدأت أشعر أهه بنفس الخنقه ومش قادر أسحب نفس طويل وكبير من السيجارة
غيرت أكتر من سائل يمكن نوع منهم هو المشكله لكن لا هى المشكله لما بشرب كتير منها
هل البروبلين الكتير؟
هل الجلسرين الكتير؟
هل مكسبات الطعم اللى مش حلوه اللى كنت جايبها من مصر؟؟؟؟
تحياتى وأتمنى دوام الصحة للجميع
